隨著兩隻小魔怪既成長, 吾小問題逐漸浮現
首先, 因為佢地自小比人長期困係一個屋外既鐵籠入面(日間)
開餐時只係比一個碗仔6隻小朋友任由自己搶食
而大小2便就係每日晚間放佢地自己係山邊解決......
由於一直過著尼種半放養模式既生活而當時佢地既(人/狗)父母都無任何管教
形成斑戟同沙律尼對姐弟自小相依為命而同時又互相競爭
又由於環境惡劣, 佢地要為生存而發展出好勇鬥狠既取向
吾知係咪先天問題, 斑戟性格尤其凶狠
而為求生存, 沙律一直以武力鎮壓住斑戟
直至宜家五個月大, 斑戟開始察覺到自己體型既改變, 可以挑戰家姐, 甚至人類既領導地位
沙律身上既傷痕正正提示我地要儘快作出相應既行動
本來姐姐既教導同訓練係幫助好大, 而以斑戟既進步尤其顯著
正當我地準備好斑戟的寄宿特訓時, 毛囊蟲既出現打亂左我地既計劃
雖然有醫生開既葯可以治療佢地皮膚上既問題
但係性格上既缺憾就因為要接受治療, 暫停上行為糾正課程而擔誤左
再加上有老人家係屋企當佢地孫咁寵
同姐姐商討過而又經醫生覆診後既評估, 再加上佢地已經咬傷爸爸2次
我地決定吾可以再等佢地繼續失控
一於安排隔離寄宿特訓!
孤單的沙律
哀傷既眼神加落寞既表情
傷痕累累又甩晒毛既面孔
對付毛囊蟲既葯
尋晚放工煮左d雞肉加餸, 因為無斑戟係身邊佢食得好放鬆, 吾似之前咁囫圇吞棗
之後同佢玩追波都肯玩
玩到倦比d煮雞既"湯"比佢飲, 佢飲到好似想同個碗"打車輪"咁攬到實, 笑死...
來緊一個星期晚晚OT, 不過都要比多d時陪吓佢先得
No comments:
Post a Comment