76

扶桑行(5)

2008年1月24日 下午10:21公開累計瀏覽次數 12 0

聽聞會場附近有個溫泉, 泰國藉同事一收工就話要去試

Yurikamome Line, Telecom Center站行3分鐘到

入門口第一件事要除鞋, 跟住就比入場費Yen2,327 (walk in 價) 同選擇浴衣

入場時每人手帶上有bar code, 場內所有消費都係scan bar code, 離場時先一次過找數

更衣窒有指示教你著浴衣

著好浴衣就出去玩啦

原本唔只溫泉甘簡單, 直情係日本版大dart地

睇相都有

有幾間shop比你消費買記念品

亦有食肆比你醫肚

有food court形式亦有餐廳形式

小橋後係石春路+溫泉區, 不過因為落緊雨無出去玩, 但係就玩左熱砂(Sand bath)

即係比d熱既砂埋住15分鐘, 4200日圓.

感覺好似瞓係溫暖既懷抱入面甘, 好正.

其間有工作人員走埋來問你夠唔夠熱, 要唔要加砂甘

至於個溫泉就係好似台灣川瀨果個甘,  有幾個唔同既"湯"比你選舉

場內有休息室比人hea, 我見有d人直情係度瞓著覺

日藉同事話好多人一家大細就甘係度hea一日

http://ooedoonsen.jp

扶桑行(6)

2008年1月24日 下午11:04公開累計瀏覽次數 3 0

收工泰人話要去買樂器parts, 搭地鐵去左御茶之水站樂器街

 

佢買左成2500港幣既色士風mouth piece. 佢話係New York, 香港同 Bangkok都無甘齊貨.  

 

之後就食飯, 因為大家都唔識日文, 只有指手畫腳甘落order

真係食完都唔知食左d乜

呢個係海鮮鍋, 個泰人話好正, 我就覺得一般

牛柳, 佢話唔好食我話ok啦

燒魚, 條魚佢自己選的, 不過似乎佢唔多滿意

個鍋食到最尾加飯加蛋變左煲粥, 佢有食到yum yum聲, 我就情願食第二樣

 

呢餐好彩唔係我比錢

扶桑行(7)

2008年1月25日 下午7:53公開累計瀏覽次數 3 0

星期四到位於上野的辦事處返工, 係公司樓下見到有隻好可愛既貓貓. 

 

睇佢身型似乎唔夠4個月, 不過好活潑. 因為當時街上大風, 地上垃圾被風吹到轉轉下, 佢就當d垃圾係玩具甘追住來玩.

全神貫注在大街上玩

行人在面前走來走去都唔會閃避對人類無介心

見佢甘有活力又唔係瘦應該有人照顧既, 希望佢可以健康快樂甘生活啦.

晚上會場有個cocktail, 我就閃左出去睇夜境

之後賣luk泰人日人自己出去搵食

結果在酒店後面橫街地庫搵到呢間旬彩魚Cuisine

入到去坐低見人人都有杯梅酒我又要杯先. 白色果件我估係年糕. 好味

餐廳無人識英文又係用手指落order.

白色一片片既係"水蛸"刺身, 我估係貝類

仲有幾粒似係八爪魚吸盤既野(前面紅色邊果幾粒), 好爽脆好鮮味

天寒地凍見到menu有個"鍋"字就點左先

原來係豬腸鍋, 食完暖晒

見到有師傅燒魚我又要

好香啊! d皮脆架, d肉又唔鞋, d汁唔似得香港燒汁一味咸, 正啊!

見有蠔問吓有無燒蠔先. 個靚仔侍應哥哥面有難色又唔識點講.....

佢都好醒目, 一轉身攞隻蠔比我, 反轉一睇...明晒......得個殼做擺設

又見個師傅開始燒三文魚, 仲要連皮燒好香啊....d魚油燒到滴落d炭到....好想食啊......

不過自己一丁友食唔晒(一個order 3大條)

見menu有杏仁豆腐花, 想起細個媽媽成日整但我唔鍾意食既大菜糕加杏仁香油, order個試吓先.......嘩....好香好滑啊.......

呢個杏仁豆腐花同我細個食果d全無關係. 呢個直情係豆腐加杏汁...好正正正.....啊...

 

埋單幾錢? 4500日圓

 

呢餐真係無來錯!!!

 

旬彩魚Cuisine

 

中央區銀座1-9-12, 西山興業東銀座B1F

Tel: 03-3561-0220

扶桑行(8)

2008年1月25日 下午8:50公開累計瀏覽次數 3 1

星期五瞓醒都已經11點不如去築地魚市場啦

一出地鐵站向右行, 唔使10分鐘就到.

我自己唔識路向左行左10分鐘先發覺唔對路, 返轉頭原本無晒心機以為白行, 但又見d人手揸住一袋二袋, 於是反方向行試吓

行左一個街口開始有d似樣

到啦, 呢個牌後面就係啦

賣明太子既檔

因為我下午先到人流小好多

市場入面有好多攤檔賣魚, 海鮮, 乾貨, 元貝, 刀......亦有好多好多壽司店

我就情願食即開即燒即食既大扇貝........好好味啊........

500日圓一隻, 甘大隻食完都半飽

呢個牌後面係食魚生飯既地方

1000日圓一大碗

個伯伯唔係"合"眼瞓, 其實佢係度數緊錢呀

扶桑行(9)

2008年1月28日 下午4:45公開累計瀏覽次數 4 3

去完築地市場, 係地鐵站見到雷門既poster, 見佢張poster上面甘有誠意教埋你係邊個站轉邊條線甘, 好啦, 就去淺草雷門啦!

係地鐵站入面有個好型既display, 不過佢識我, 我唔識佢

一上地面就好似有條日本文化街甘

天寒地凍d人力車夫衣衫單薄當街拉生意好幾慘情

我映相技術差, 其實呢個哥哥仔好靚仔架, 有d似尹子維甘款. 睇幾多女仔捉住佢映相就知啦

街道兩旁好多係食肆同賣傳統小食既商店, 仲見到有間食鯨魚既專門店tim

有好多甜品店, 不過自己一丁友無心機食

呢家店內用人手燒米餅

入左雷門有更多攤檔, 真係道行小d都會被引誘大出血

呢種凍冰冰既天氣下飲杯熱辣辣既甘酒真係好舒服. 淡淡既甜味但就無酒味, 飲完個人好暖

第二道"門"

只要比100日圓就可以自助求籤

因為有幾條唔同既線都可以去到淺草, 個個站唔同樣

之後搭地鐵返酒店, 係三越地庫行個圈, d蛋糕好正啊....

下次一定要搵個鍾意食野既人一起來日本!!!!!