三日前開始, 察覺到波子糖隻左眼不尋常地眨動. 平常一回家開門就會在貓奴面前反肚肚歡迎的他, 這幾天都動也不動的在沙化上睡覺. 就算落地坐在貓奴面前都只是以背脊向著我們. 叫他都不理. 就算是平常最喜歡的節目......陪媽媽沖涼玩水都提不起興趣.
因為這幾天剛巧是March show, 每天都工作至很晚, 又一大早要出門上班, 沒有太多時間去照顧他, 只能每晚下班回家時躺在波子糖身邊跟他談話. 平常不喜歡被抱著的他, 這兩天都軟軟的任我抱著聽我說話.
打完針後回家, 波子糖自動走到食盤上吃了幾口乾乾, 比起之前毫無胃口明顯有進步, 眼神也精靈了一些.
醫生吩咐今晚不要讓他食任何食物, 明早開始要食葯葯.
希望他只是因為嬲我無陪他才撒嬌扮病而不是身體有問題.
昨晚呆呆的樣子
今早看醫生前提不起精神
兩隻八妹知道哥哥不舒服都來陪哥哥休息
看完醫生打完針後神氣多了, 還跳上組合櫃頂
寶貝仔要留院觀察
尋晚放工一入門口見到地下由沙盤邊到睡房一共有7 pat 嘔吐物, 雖然波子糖個樣好似無乜事, 但我一抱佢上手就feel到佢個身軟棉棉無晒力甘, 連放佢入貓袋都無力反抗, 於是乜都唔理就帶佢睇多次醫生.
醫生話燒就退左但似乎脫水, 建議吊鹽水, 打反d支消痰針同留院觀察. 而家係擔心佢個胰臟有事要睇埋驗血結果. 真係好擔心
波子糖出院
今日收工帶寶貝仔返屋企, 因為Dr. Christ今日休息, 由另一個醫師幫我解釋驗血報告.
報告結果一切正常, 醫生仲幫波子糖驗埋小便, 結果都無乜問題. 不過助理哥哥就話波子糖尋晚好惡.
我都明白既, 又唔舒服又無得返屋企. 助理哥哥用針筒餵佢食野時個臭豬仲咬爛埋支針筒呀.
因為波子糖手上有條導管未拆得住, 要用繃帶包住隻手仔; 而因為隻手仔包左繃帶要戴"喇叭", 又因為要比時間佢安靜休息, 波子糖要接受隔離.
可憐寶貝仔叫得好淒涼都唔放得佢
一返到屋企比佢係廳行個圈, 幾隻細妹唔認得尼隻"戴喇叭的怪物"仲fee佢tim
好無奈被隔離
因為心情唔好佢唔肯食野又唔肯飲水, 見到都心痛.
星期四返醫生度覆診, 如果好返就可以拆喇叭, 繃帶同導管
波子糖尋晚情況
話說尋晚波子糖要戴住個"喇叭"隔離, 見佢甘陰公貓媽就決定單獨陪佢一晚.
個衰豬唔知係咪同d細妹傾過計, 牛奶妹教左佢點樣除個"喇叭", 又係唔使5秒鐘fing甩左. 不過見佢都無乜咬隻手d繃帶就由得佢唔戴住瞓覺.
可能因為以為我想唔要佢, 波子糖尋晚真係好嗲. "Elle"左我成晚又要"RR", 又想捐入被窩但就係瞓得唔"lum"搞到我都無得瞓.
今早見佢係房入面既臨時沙盤度開左幾次小又肯自己食d W/D (平時唔肯食架)就比佢出廳行個圈. 佢即時跳上貓樹磨爪同上最高層坐左一陣. 到我出門口返工先幫佢戴返個"喇叭"再隔離.
今日唐老鴨又發燒, 一鴨一貓就甘係我屋企大覺瞓, 希望放工返到去佢地無事啦.
波子糖你無Y事嘛?
今朝請左半日假同波子糖覆診, 醫生同佢拆左條導管, 跟手同佢打多支抗生素
返到屋企d細妹都唔認得佢, 係甘fee波子糖, 搞到佢好down
兩隻手手因為要吊鹽水同導管被剃到甘既樣
Anyway只要佢好返我就安心晒
大佬返來喇!
今日放工返到屋企, 見到波子糖對住我伸懶腰仲反肚肚tim
見到尼個情景我好開心, 因為波子糖終於回復病之前既behavior, 仲瞓得好lum tim
我可以好開心講句"大佬返來喇"
在此感謝各位對波子糖的關心和打氣
No comments:
Post a Comment