Basel 08 (9)
尼間就係我係Basel兩星期住既房, 已經係我自己一個住架啦
不過同時係小食部, 24小時提供熱騰騰杯麵, 咖啡, 奶茶etc....
遊戲機中心(圖中有人打緊PS2), 賭場(有Uno, 麻雀)......
會議室同埋文件處理中心.....
Basel 08 (10)
Basel之旅最後一日心情好複雜. 高興因為可以返屋企, 煩躁因為飛機安排問題
見到那通天的"煙柱"嗎? 誰說瑞士是人間淨土? 照片是在酒店停車場拍的.
那煙囪跟我們住的酒店很近, 每天不停地排放濃煙. 每次在車上看到那"煙柱"就知道就快到酒店
由Zurich到倫敦的航班一再delay, 我們在候機室瞓完又醒, 醒完又瞓......
睇下良哥個樣幾"吽"
去到倫敦機場21:55, connection flight 22:35, 按理應該接得上(雖然好趕)
但混佢個脹, 倫敦機場竟然一句"晚上十點收工"拉閘封場, 試都唔試; 仲話如果滯留人仕不願離開就會報警清場....
話香港的士"簡"客, 起碼有執法人員在場的士司機唔敢亂來, 但倫敦機場的士站的執法人員竟然幫司機"簡"客!!!
司機本身又無禮貌, 車品又差, 左"片"右"西", 仲狼過旺角的午夜小巴
去到酒店我同司機講我無英鎊要佢等一等, 我入酒店"唱"比佢. 點知個司機竟然大大聲發爛渣話"無英鎊就唔好上我車"甘.
嘩, 真係乜態度, 我又唔係唔比錢, 叫佢等兩分鐘我地"唱"比你之嘛. 當時車上我有同伴等比你做"人質"......
到比左錢佢又唔肯找錢只係比張收據我寫收我幾錢....大佬呀, 個錶明明係18鎊架嘛, 係都要屈夠我廿鎊.....
折騰左一整晚, 上到房已經3am. 見到張床乜都唔做......瞓.......
估唔到我地住瑞士兩個星期間酒店都唔及尼間倫敦機場酒店.
無論服務, 乾淨, 饍食, 房內設施, 床舖枕頭舒適等.....尼間酒店都係....得!!!
Terminal 5的確係幾靚, 不過唔得呢.
佢d地勤人員仲夠膽同我講"我地做得好過你地當年香港新機場啦" 蝦, 真係想"扯巴佢"
Basel 08 後記
今次Basel之旅除左工作同遊玩外, 航空公司既安排都好尼hea
以我自己為例, 首先由香港到倫敦果段係香港check唔到connection.
由倫敦至Zurich果程BA就係無通知情況下cancel左.
去到倫敦先知唯有駁瑞航, 但去到Zurich又locate唔到我件行李.
Delay左四日終於送返件行李去我酒店但送錯房. 好彩行李上面有我個電話而收到我件行李既人又好誠實甘比返件行李我.
到走既時候BA又delay班機搞到connect唔到CX返香港要滯留倫敦. 死"chur"先有機位返香港又delay行李.
不過算啦, 平安返到屋企就ok喇
No comments:
Post a Comment